الشوكة العظيمة والتهاب الاخصمية

موضوعنا النهاردة عن الشوكة العظمية والتهاب اللفافة الاخمصية أو مهماز العقب (heel Spurs and planter fascitis)
هي عبارة عن بروز عظمي أسفل الكعب سببه ترسب الكالسيوم
طب ايه اللي خلي الكالسيوم يترسب؟
ببساطة:
١- المشي لفترات طويلة بدون حذاء أو بأحذية غير مريحة (كعب عالي) أو ضيقة أو غير لينة.
٢-القفز والجري علي الأسطح الصلبة (عشان كدا كتير في الرياضين بتوع القفز والمارثون)
٣-الارهاق الشديد للقدم والمشي والوقوف المتكرر (عشان كدا كتير في ربات البيوت)
٤-مشاكل في المشي (gait abnormality) اللي بيزوظ الضغط علي عظمة الكعب والأربطة والأعصاب المحيطة بالكعب .
٥-زيادة الوزن .
٦-التقدم في العمر (لانه بتقل مرونة الأغشية المبطنة للقدم وبتقل طبقة الدهون اللي كانت بتحمي الكعب.
٧- مرض السكر .
٨-القدم المسطحة (flat foot  and high arch)
الحاجات دي بتسبب التهاب في الأغشية المبطنة للقدم اللي بتمتد من الكعب الاصابع
الاتهاب بيحصل خاصة عند التقاء الأغشية بالكعب وده اللي بيخلي الكالسيوم يترسب ومع مرور الوقت تتكون البروز العظمي اللي بيظهر في الأشعة x-ray .
الأعراض :
الشوكة بحد ذاته غير مؤلمه الالم سببه الالتهاب اللي بيحصل في الأنسجة المحيطة ؛ الالم زي مسمار أو سكينة في باطن القدم خاصة اول مايصحي من النوم أو لما يقوم بعد ماقعد فترة طويلة وبيقل تدريجي مع الحركة( السبب هو تراكم المواد الالتهابيه أثناء النوم أو الجلوس لفترة طويلة ولما يتحرك المواد الالتهابية هتتسحب مع الدورة الدموية ودا هيقلل الالم).
#دمتم_سالمين

اترك تعليقاً

لن يتم نشر عنوان بريدك الإلكتروني.