Select Your Favourite
Category And Start Learning.

كيف افرق بين مجالات عمل الصيادلة في سوق العمل

في مقارنه سريعه بين مجالات عمل الصيادلة بعد التخرج في مصر وماهي اهم المميزات والعيوب من حيث الراتب ضغط العمل وما مستقبلك اذا بقيت في هذه الوظائف

 

هذه نتائج  بحث شخصي لاحد الصيادلة  دام حوالي 9 شهور في محاولة لتلخيصه لكم  على قد ما أقدر بس كمل للآخر عشان المقال

مهم

مجالات عمل الصيادلة بعد التخرج في مصر

 

امامك اختيارين اما السفر خارج مصر او البقاء في مصر (والبقاء للاقوى )

 

أ) لو هتفضل في مصر امامك اكثر من  احتمال

 

تشتغل في سلسلة و أنا بنصحك بواحدة من الاربعه دول (عزبي – مصر – كير- عز الدين ) 

المميزات : 1-مرتبك هيلعب من 3500 إلى 4500 ( عزبي 3500 -مصر 4000 – كير 4500)

هتتعلم حاجات مش هتتعلمها في الصيدليات الفردية زي شغل التعاقدات و تتعرف عالاصناف الغالية

3-هتتقدر بمعنى انك صيدلي و ليك وضعك ولا هتجرد و لا هترص و لا هتمسح الخ مهمتك بس التعامل مع العملاء و تدخل البيانات على السيستم

الاجازات الرسمية هتاخدها و لو اشتغلت فيها الساعة بساعتين
متأمن عليك
الترقية : ممكن تترقى لمدير شيفت (راتبه حوالي 5000 ) و دي بتوصلها بعد سنة أو سنتين انت و حظك و ممكن تترقى لمدير فرع (مرتبه من 10000 ل 15000) و دي بتوصلها بعد سنتين أو أربعة أو أقل بس عشان تعلى عن كدا و تبقى مدير اريا هتاخد وقت أكبر

العيوب

1-الصرامة ( بمعنى ان الغلطة بخصم و التأخير بخصم و ممكن لو اتأخرت نص ساعة تشتغل اليوم ببلاش و لو غلط في التعاقدات بتتحاسب على الغلطة بخصم )

2-حكم النفس على النفس بمعنى ان ممكن تجيلك ظروف قهرية و متجيش و مدير الفرع أو الشيفت يخصملك اليوم بتلاتة انت

هناك أقل حاجة في السلم الي تحتيك المساعد بس انما الباقي كله فوقك

العصافير هتلاقي ناس سيكا كتير عشان ياخدو امتيازات يا تستحملهم يا تبقى واحد منهم
المكان ممكن تتشحطط في آخر بلاد المسلمين و تدفع وقت و فلوس و جهد عشان توصل للفرع الي انت فيه ولو حظك حلو هتنزل في فرع قريب لانك مش انت الي بتختار المكان

تقلب الشفتات يعني ممكن تنزل صباحي و مسائي و نايت في شهر واحد

كمان معلومخ لو لسه عازب تقدر تسكن في سكن اللي بتوفره بعض السلاسل وبكده هتوفر فلوس المواصلات
—————————————————

كول سنتر

 

ودا هيكون في سلسلة برضو بس الاختلاف ان
هتاخد يومين أجازة في الاسبوع
مرتبك اعلى حوالي 400 أو 500
العيوب

الروتين – احتمالية انك يجيلك صداع نصفي – الضغط العصبي

واهم حاجه متنساش تقول العميل يقفل الرواتر ويشغله تانيو المشكله هتتحل
———————————————-

الصيدليات الفردية

مميزاتها
المرونة عكس السلاسل في المواعيد و الأخطاء و الخصم

بتحدد سعر ساعتك بنفسك من 400 الى 650 في القاهرة لو أقاليم هيبقى أقل من كدا من 250 الى 350
عاجبك بتشتغل مش عاجبك بتروح ل 40 ألف صيدلية تانية
بتحدد عدد الساعات الي عاوز تشتغله و عدد الايام و أيام أجازتك و بتحدد الشيفت الي انت عاوز تشتغله
بتاخد خبرة أكتر في ال الادويه التي تصرف بدون روشته  و في الادارة
انت أعلى حد في الصيدلية الي فوقيك صاحبها بس غير كدا كله تابع ليك

وقت ما تقول عاوز امشي بتمشي مفيش عدد ايام للاستقالة زي السلاسل
——————————
العيوب
مفيهاش ترقيات لو فضلت 10 سنين شغال في صيدلية سعر ساعتك ثابت أو بيزيد زيادة لا تذكر
ممكن يطلب منك انك تجرد و ترص مع المساعدين عادي و لو معملتش كدا يتهموك بالتناكة و التقصير في الشغل
مش متأمن عليك
هتشتغل في الاجازات الرسمية غصب عنك لان محدش بيشيل مكانك
—————————————————-

ميديكال ريب

المميزات

أكتر شغلانة هتعمل منها فلوس  عاجلا أو آجلًا
الشركة ممكن تديك عربية
ممكن الشركة تسفرك برة مصر لو شركة مالتي ناشونال و دي مرتبها في السما

العيوب

هتتضطر للأسف انك تعمل حاجات حرام زي الرشوة الي بتديها للدكتور و الي بتكون فلوس صراحة أو لاب أو تلفيزيون أو رحلة أو مؤتمر الخ أو تضطر انك تحرق الدوا بتاعك عشان تاخد انتستف و انت كدا هتضر زمايلك الي شغالين في المناطق التانية لانك هتبيع الدوا بخصم أعلى و هما مش هيعملو كدا
قلة قيمة انت معرض تتعامل بطريقة مهينة سواء من الدكتور او الصيدليات الي بتروحها
هتلف على رجلك كتير

اهم نقطه انك محتاج تدرج في الشركات يعني تبدا في لوكل 3 شهور ولا حاجه ولو مذاكر كويس ابدا في ناشنال عشان تنتقل للمالتي ناشونال لانهم حاليا بيدورو على الخبره مش عايزين حديثي التخرج او هتحتاج حد يوصي عليك جوه الشركه ودي هتعملها وتكتسبها وانت شغال لما تتصاحب على زمايلك التانيين في شركات تاني


صيدلي في مصنع ادوية

 

مميزاتها

هتطبق الي اتعلمته في الكلية لو انت عندك شغف لكدا
المفروض ان الشركة بتوفرلك مواصلات
اغلب شغلها الصبح
العيوب :
مرتبك ضعيف البداية ممكن من 2000 الى 3500 و قليل لو عليت عن كدا و بيزيد مع الوقت بس اقصى رقم ممكن توصله 12 أو 15 ألف (وهو مرتب المدير بعد حوالي 10 سنين خبرة و فرصتها نادرة جدا) الرقم دا انت ممكن توصله في سلسلة في أقل من كدا بكتير
انت طول الوقت شغال مفيش قعاد و لا راحة
اماكن الشركات بعيد بالنسبة للشركات الي مبتوفرش مواصلات فهتاخد فيها وقت محترم زيادة على وقت شغلك
———————————————————
تشتغل في صيدلية داخلية (جوا مستشفى)
مميزاتها ضغط شغل قليل عيوبها 1-زيادة احتمالية العدوى 2-مرتب قليل من 2000 الى 3000
——————————————————-
كلينيكال
مميزاتها هتحس بقيمتك و معلوماتك هيكون ليها فايدة و دورك مهم في انقاذ حياة الناس
عيبها 1-العائد المادي قليل الا لو اشتغلت في مستشفى خاصة 2-زيادة احتمال العدوى
——————————————————-
العيب المشترك الكبير في كل الي فات انك شغال عند الناس وقت ما هيقلولك امشي هتتكل على الله فالحل هو رقم 8 و 9 و 10

الملكية الخاصة و هي حاجة من

4

صيدلية أو سلسلة صيدليات هتاكل منها الشهد بس عيبها انك لو لا قدر الله السوق نام هتأثر عليك و انك محتاج راس مال كبير اوي

 يا تسافر و تحوشه لكن هتقعد هنا هتحوش قليل و عيبها برضو انك محطوط تحت ضغط توفير النواقص و تظبيط العمالة و خطر السرقة من الي شغالين معاك
معمل تحاليل و دي لازم تاخد دبلومة بايو أو مايكرو عشان تفتحه عيبه بس انك هتعاني في الاول من قلة الناس بس هتظطها مع الوقت و هتكبر
تفتح مركز تغذية و دا انت محتاج تاخد دبلومة تغذية و ترخيص دكتور بشري و هتفتحه
و ممكن تعمل التلاتة الي فاتو مع بعض
تشتغل في الاكسسوار و المستلزمات الطبية

—————————————————-
رقم 10 المسيرة الاكاديمية
و دي خاصة باصحابنا الدحيحة ربنا يوفقهم
————————————————————-
ب) انك تسافر ل
1-السعودية
مميزاتها
هتقبض حوالي 5000 ريال غير بدل السكن
ممكن تعتمر في أي وقت و تحج بعد سنتين
هتاخد مكافأة نهاية خدمة
هتاخد بدل جمع
ليك شهر أجازة ممكن تنزله بلدك
عيبها
العنصرية و دي هتقابلها في أي بلد برا
عدد ساعات العمل 10 و ممكن يوصل ل 12 وعاده هتكون 12

مفيش ولا يوم اجازه وضغط عصبي جدا
3-العيشة هناك غالية حبتين خصوصا لو هتاخد اهلك و تستقر هناك هي حلوة لو بطولك
———————————
2-الكويت
ميزتها يعتبر أكبر دولة ممكن تديك فلوس مرتبك من 550 ل 1500 دينار
عيبها العنصرية طبعًا + ترخيصها صعب + هتقعد 6 شهور على ما تاخد الترخيص في خلالهم هتشتغل على 300 درهم في الشهر
———————————————————
3/4-كندا أو ألمانيا أو أستراليا
مرتب حلو بس فيها مشاكل زي انك هتتعب في مذاكرة اللغة و هتعيش في مجتمع غير اسلامي ممكن يأثر عليك أو على أهلك لو معاك بالسلب
————————————————————-
او ممكن تعمل كارير شيفت لو حابب تعرف اكتر عن الكارير شيفت اكتبلنا في الكومنتات اسفل المقال واشترك في قناتنا على التليجرام عشان تعرف مواعيد المقالات الجديدة

 

 أٌقراء ايضا

الاسعافات الاولية وضروره تعلمها 

كيفية اعطاء حقن العضل في المنزل بالفيديو

ما اسباب الصداع المستمر وما طريقة علاجه 

المجالات المتاحه لصيادلة في سوق العمل

لمزيد من المعلومات الطبية يرجى زياره صفحتنا على الفيس بوك

The Hospital 

او تفضل بزياره جروبنا على التليجرام

اضغط هنا 

Hospital Academy

او تابعنا على قناتنا على اليوتيوب

Hospital Academy

 

Leave a comment

لن يتم نشر عنوان بريدك الإلكتروني. الحقول الإلزامية مشار إليها بـ *